影評之惡人谷（海報有可疑…）

依家港產片買少見少，所以見到有港產片上映時，小畫家都會支持吓，縱使套戲睇落好爛~~

今次睇咗「惡人谷」，本身鄭中基同吳鎮宇我係ok嘅，導演谷德超就冇特別鍾意唔鍾意，反正睇海報個樣都似係胡胡鬧鬧嘅戲嚟，所以抱住零期望嘅心情入去睇（呢啲時候零期望睇戲反而會有啲驚喜~）

睇完，套戲係講條村叫惡人谷（好老土嘅設定），咁吳鎮宇同鄭中基係壞人嚟（應該話其實心地善良但又要扮壞人），點知遇到女主角最後變番好人開開心心yeah完畢咁，聽落無聊實際真係幾無聊，不過戲中有好多其他香港明星做（重點係「香港」明星），令到整體都睇得幾順眼舒服嘅。

總結係，套戲係爛㗎喇，不過對白都爛得有心去諗，輕輕鬆鬆睇都會笑得出嘅，當然你唔好預佢有咩勁嘅故事啦，當中余安安同Baby John都演得唔錯，鄭中基做番暴龍哥嘅演技亦幾搞笑。

如果你留意嘅話，會發覺我冇提女主角係邊個，因我真係唔識，係大陸演員嚟，而你睇番上面香港版海報係連女主角個樣都冇出現嘅，明顯係想增強套戲嘅香港感覺，同怕人以為係合拍片之類，呢個行為相當有可疑…

而以下係小畫家喺網上搵到嘅大陸版海報，明顯有大大個女主角喇

-------------------------------------------------------------------------------------

梁進《結婚要去夏威夷》簽名會

日期：1月31日（今個星期日）時間：3:00-4:30pm
地點：{prologue} 書店 - 旺角新世紀廣場4樓445-446號
** 攜帶或即場購買《結婚要去夏威夷》一書即可排隊簽名，頭100名參加者可獲贈阿呢新春利是封，送完即止。