中環雞蛋仔雪糕^^

話說喺中環見到間標榜low fat嘅Gelato意大利雪糕店，八卦同友人去試吓^^

一入去好多個graphic燈箱，幾有型^^

雖然有好多雪糕味選擇，但其實我哋已知想咩喇~

就係呢間嘢嘅雞蛋仔雪糕，話時話呢度嘅雞蛋仔有好多種味，連臘味味、火腿芝士味都有，幾特別

其實未入去我哋已決定要呢款為The Mob嘅雞蛋仔雪糕，雞蛋仔有黑芝麻麻糬，雪糕係low fat milk gelato，下面就有homemade matcha gelato，即係自家制抹茶雪糕，下面仲有脆脆同蘋果jelly，令到食嘅過程有唔同層次同味道，唔錯^^

喺雪櫃見到兩個閃電雪糕，趣^^

牆上亦有關於雪糕嘅pop art

好啦小畫家新書「豬仔4格」已經出版，買咗嘅讀者都話好好笑，希望大家買本支持小畫家嘅創作啦^^

（6/26/16）星期日遊記^^

對小畫家同友人嚟講，星期日最開心嘅，就係可以hea hea個all day breakfast喇^^

今日行開中環，嚟到呢間Green Waffle Diner試吓^^

睇咗餐牌，友人叫咗呢個早晨全餐Sunshine Breakfast，呢度嘅薯餅係粒粒薯嚟，幾特別，炒蛋亦唔錯，配煙三文魚無得輸^^

小畫家叫咗個墨西哥煎餅早餐Breakfast Quesadillas, 小畫家喺美國時好鍾意食墨西哥嘢，呢度嘅Quesadillas味道好啱^^

因為早餐所以入面係炒蛋、腸仔、芝士、仲tomatoes, onions 同green peppers咁，係小畫家鍾意嘅味道^^

 今日真係好熱，好在杯冰Americano夠晒凍，搞到友人叫完杯橙汁好後怕冇嗌咖啡~哈哈

好啦食飽就出去熱過，其實我想去睇呢個博特羅展覽^^

不過去到見到係做緊其他活動~怪怪

反正嚟度就入去啦，原來係一個關於Yoga嘅活動，一入去有人畀咗一堆嘢友人

今日好好天呀~不過烈日當空確係有啲曬 XD

場內有唔同人做緊唔同型式嘅yoga

行到咁上吓先見到博特羅嘅展品~

展品唔算多，但每件都好大

而大多作品都以「肥」為形態，同啲人做緊Yoga好有對比 XD

 好啦小畫家新書「豬仔4格」已經出版，買咗嘅讀者都話好好笑，希望大家買本支持小畫家嘅創作啦^^

【小畫家影評之~忍者龜 魅影突擊】

呢輪冇咩戲特別想睇，見仲有忍者龜就睇吓啦，雖然新嘅忍者龜拍到好似變型金鋼咁，但就勝在有動作熱熱鬧鬧冇得輸。
今集同上集一樣Megan fox，加埋四隻龜已經好突出，所以男主角感覺唔型之餘冇咗都唔會有損失，反而今集出現奸角犀牛人同野豬人就幾得意，兩個角色嘅生鬼度仲勝過四隻龜，總括嚟講今集係拍得唔錯嘅第二集（因通常第二集都比唔上第一集），以cg動作片嚟講，娛樂性夠晒豐富，期待會有第三集嘅來臨^^

好啦小畫家新書「豬仔4格」已經出版，買咗嘅讀者都話好好笑，希望大家買本支持小畫家嘅創作啦^^

下午茶食個Crêpes^^

星期日最開心就係可以好咁食個下午茶 今日嚟到銅鑼灣嘅la creperie，因呢度專門食Crêpes嘢^^

其實呢間嘢喺灣仔都有嘅（嚟榮式雞扒嗰條街），不過地舖較細間唔太好坐，而銅鑼灣樓上舖就好坐好多^^

話說呢間嘢特別在啲Crêpes係有鹹同甜嘅，先嚟個鹹嘅煙三文魚Crêpes，記住要加錢加spinach（即係菠菜，小畫家叫佢做大力菜）

食後感：Crêpes個皮感覺有啲燶，不過整爛個蛋加魚加菜就好好味^^

完鹹就嚟個甜嘅，士多啤梨雪糕Crêpes，呢個作為甜品真係冇得輸

呢間嘢用出海為主題，感覺幾好，我仲拎埋隔離枱兩個燈塔排埋一齊影相

總結：地方算舒適，同埋佢都唔介意你好耐，朋友們上嚟high tea吹水就啱晒，食物都算唔錯，唯獨飲品平均都唔算平，不過整體都可以話有下次嘅^^

la creperie

銅鑼灣駱克道459-461號The L. Square 8樓

好啦小畫家新書「豬仔4格」已經出版，買咗嘅讀者都話好好笑，希望大家買本支持小畫家嘅創作啦^^