小畫家影評之~危城^^

噚晚睇咗《危城》，故事講一個小城突然嚟咗個殺人狂古天樂，但因古仔個阿爸來頭好猛所以大家唔敢對佢做啲咩，唯一得阿劉青雲為公義唔理滅城嘅風險、死都唔放古仔咁。

整體套戲其實幾好睇，打鬥場片亦都打得紮實精彩（洪金寶係武術指導），彭于晏做嘅浪人角色好日本卡通feel，其實佢做浪人又略嫌候生，不過話晒靚仔所以睇得都順眼，個人認為古仔好應該做浪人角色，不過叫彭于晏做殺人狂富二代少帥又恐怕未夠經驗演到，而本身都帶點邪氣嘅古仔做少帥亦入型入格，係整套戲頗搶眼嘅角色。

總結嚟講《危城》真心值得睇，如果可以少啲武俠feel chok樣講嘢嘅拖戲冷場情節嘅話，整體節奏會更加流暢好睇。
===============================
梁進 youtube channel :https://www.youtube.com/c…/UCg1Bwc3UOUBtYXmGlys41sQ/featured
梁進 INSTAGRAM : https://www.instagram.com/ahleicomic
梁進 WEIBO : http://www.weibo.com/bunnyaken

(Aug 19, 2016) 小畫家梁進簽名會@apm達人夜書市

Post番尋日apm簽名會嘅實況，話說一開始有mc chit chat^^

喺度要多謝當日mc嘅幫助^^

跟住就係簽書喇，因為今次綠寶冇嚟所以相片都係由小隊同編輯小姐提供^^

大電視都有我哋呀^^

收到讀者送畀小畫家嘅禮物，全部都係飲品同食物嚟，多謝你哋呀^^

以下係當日簽名會分享部份嘅片段^^

下午茶@嘉頓^^

今日去嘉頓食個tea，以前搭車都會經過呢棟嘉頓建築物，但就一直唔知入面有嘢食^^

入到去，感覺幾modern，座位唔多，要自己霸位^^

當中有一枱係嘉頓嘅精品，價錢仲要出奇地幾平，小畫家買咗呢個嘉頓袋^^

好似麥包嘅杯墊都好得意^^

就連CD都有，都只係三十蚊，齋買嚟擺都靚~哈哈^^

話說呢度每日嘅餐牌都唔同^^

叫咗個牛角酥餐，加多個新鮮出焗嘅提子包^^

留意佢啲餐盤都好有童年feel，不得不提佢啲蛋糕都ok嘅^^

而周圍都擺有唔同嘅嘉頓產品賣，原來朱古力手指係有其他味道嘅^^

除咗cafe，裡面仲有個展覽館^^

將自己嘅產品一一展出，通常都係外國或日本、台灣等地會咁做，香港品牌真係好少有^^

仲有咁多年嚟嘅鐵餅盒^^

牆上仲有以前工廠大廠嘅照片，好懷舊^^

以前間building線條簡單啲，好似玩具咁^^

想去嘅就要留意開放時間喇^^

食完嘉頓後，就去行吓隔離嘅嘉頓山^^

上到山嘅一半，風景好靚呀^^

嘉頓咖啡店

深水埗青山道58號嘉頓烘焙中心地舖

港鐵深水埗站 D2 出口, 步行約5分鐘

土耳奇午餐^^

今日lunch嚟個土耳其菜，呢間係第二次嚟，證明小畫家覺得呢間嘢唔錯有下次^^

先嚟杯土耳其咖啡，細細杯明顯係特濃，味道有少少甜，都ok啦^^

先嚟個小食，叫咗呢個炸薯薯豆容條，味道唔錯^^

今次係綠寶第一次嚟，我介紹佢lunch可以食烤肉卷，於是叫咗個轉轉燒雞卷，佢話唔錯^^

而小畫家就叫咗我至愛嘅「亞丹挪串燒羊拍卡巴卷」，個多好長~

話晒小畫家鍾意食羊，而呢個卷入面充滿一粒糕串燒羊肉，份量十足，啖啖肉食得好開心^^

話說待應會畀三種醬你，有茄汁、沙律醬同右邊小畫家最鍾意嘅辣辣醬^^

問待應拎兩杯水，佢竟然拎嚟兩杯出煙嘅滾水，天氣咁熱飲熱水玩嘢咩 XD

話說其實尖沙嘴一帶都有唔少土耳其餐廳，價錢亦都比價平，但小畫家都係鍾意嚟呢間位置較遠、而價錢又比一般貴啲嘅餐廳，原因係食物質素有水準外，餐廳一般都唔會有好多人（我兩次去都得一、兩枱客），坐得舒服之餘，待應又會由你坐好耐唔會理你，確實係同朋友嚟聚餐傾偈嘅好地方^^

話說有讀者喺簽名會話好鍾意睇我介紹食，話最好有埋地址，所以以後小畫家會寫埋地址出嚟㗎喇^^

伊斯坦堡特快

Istanbul Express Turkuaz Turkish Restaurant

尖沙咀新文華中心1樓115-120號舖

(July 24, 2016) 小畫家梁進簽名會@香港書展（第三場）

好啦~書展最後一場簽名會喇，今日好似比星期六多人呢^^

可能係星期日嘅關係，今日好多一家人撐小畫家，真係好多謝你哋^^

一直支持嘅家豪要十周年阿呢畫，當然冇問題啦^^

多謝小妹妹支持阿呢呀^^

今日比星期六早咗一小時，所以就算有太陽都唔算好曬^^

亦要多謝今日嚟幫手嘅出版社同事^^

書展最多人買新書《阿呢小鮮肉》外，亦有好多讀者買番《豬仔4格》同《結婚要去夏威夷》真係好多謝大家嘅支持呀^^

話說小畫家簽名會之前係爵爵&貓叔嘅簽名會，佢哋簽完過嚟探吓小畫家，大家一齊加油啦^^

多謝媽媽陪囝囝嚟支持呀^^

好啦，簽咗一小時後，就要轉場繼續簽^^

多謝姊姊同弟弟嘅支持呀^^

可能係阿呢十周年書展最後一場，所以有好多讀者嚟支持^^

另外其實我唔明點解綠寶可以最高影落嚟㗎呢~~~ XD

讀者要求自拍，當然冇問題啦^^

好啦，最後簽咗一小時45分鐘先完成，書展三場簽名會亦順利完畢喇，多謝有嚟買書同嚟簽名會嘅大家，小畫家會繼續努力創作更多有趣嘅作品㗎喇，亦要多謝出版社所有同事今年為阿呢十周年出盡力地支持，真係要講聲辛苦晒同感謝晒^^

(July 23, 2016) 小畫家梁進簽名會@香港書展（第二場）

好多謝今日（星期六）嚟簽名會嘅大家，今日係喺簽名區度簽嘅^^

小畫家特登整咗個阿呢十周年牌呀^^

先同大家嚟個合照，今日個位有啲曬，搞到合照爆晒光 XT

辛苦晒今日嚟支持嘅大家，希望唔會曬親大家啦^^

好啦開始簽喇，排第一嘅小妹妹好威威呀^^

讀者V住影相，我又嚟V~哈哈^^

話說今日好多人嚟支持，簽名籌好快已經派晒^^

小畫家已經摩打手簽名畫公仔，希望大家唔會等好耐啦^^

多謝大家嘅支持^^

哈哈兩個好好朋友搭住呀^^

好多情侶都係阿呢嘅讀者^^

多謝一直支持嘅你呀^^

今日一樣有讀者拎好多小畫家嘅書嚟，真係辛苦晒呀^^

今日都有好多讀者帶埋BB嚟，真係細細個睇阿呢睇到有BB喇^^

讀者要求畫畫，當然冇問題啦^^

希望大家鍾意新書啦^^

最後係個BB嚟拎簽名，好得意^^

好啦，聽日（星期日）係書展最後一場簽名會，只要當日嚟買新書然後到收銀處拎簽名籌就得喇，到時見啦^^