(2016Jan31)新世紀廣場Prologue簽名會實況^^

首先多謝今日有嚟簽名會嘅大家，星期日抽出去玩嘅時間嚟撐小畫家^^

依家post吓今日嘅實況啦，話說今日係喺新世紀廣場Prologue書店做簽名會，簽名枱隔離個backdrop好大幅

頭一位排隊嘅讀者，多謝支持^^

見到唔少讀者一邊排一邊好努力咁睇阿呢

話說書店內《結婚要去夏威夷》嘅海報^^

亦小畫家啲書嘅corner^^

繼續簽簽簽簽~^^

除咗新書《結婚都要夏威夷》外，今日都簽咗好多《撒嬌阿呢最攞命》

話說簽名會中小畫家喺backdrop度畫咗個猴年阿呢，祝大家猴年進步啦^^

友人亦拍咗小畫家畫猴呢嘅實況 XD

小朋友讀者畀張紅色紙我畫，加上場內播緊新年音樂，真係好有新年氣氛

今日嚟排隊嘅讀者都會有「猴呢」利是封，好開心

今日見到好多熟悉嘅面目，亦有話第一次嚟小畫家簽名會嘅讀者，好多謝你哋嘅支持^^

小讀者帶咗塊canvas畀我畫^^

話時話今日好多小朋友嚟支持，聽佢哋講啱啱考完試，下星期放假，真開心呢^^

收到小讀者送畀我嘅新年樂天熊仔餅，好得意

好啦~個半鐘嘅簽名會順利完成喇^^

話說今日收到唔少禮物，有樂天小熊餅、又有花生糖、有小畫家鍾意嘅漿糊仔（見到係日本溫泉版，小畫家冇喔^^）、靚靚杯墊、同埋有鬆弛熊咖啡拉花貼，真係好多謝大家呀

話時話，簽名會完後小畫家簽咗廿本簽名本、連同廿包「猴呢」利是封一齊發售，有興趣嘅就去新世紀廣場Prologue書店買喇^^

「梁進《結婚要去夏威夷》簽書會已經圓滿結束，我地知道有d讀者今日嚟唔到，所以特別預留咗20本梁進先生親筆簽名本+限量版猴年阿呢利是封，錯失左今日簽書會嘅朋友快啲去我地{ prologue } 書店搶購!」

好啦，最後拍條片多謝大家^^

好啦~簽完名就同友人去醫吓個肚仔啦，嚟又一城冰場隔離間EXP個late tea啦

有雞肉沙爹、炸蝦餅同夏威夷pizza（簽完夏威夷書夏威夷pizza^^），好滿意^^

唔使排隊食蛋黃哥餐廳^^

又係落小畫家同友人嘅飯堂apm食飯喇，今次係開咗好一陣子嘅蛋黃哥餐廳，之前唔嚟食因大排長龍，反正我哋住得近唔急食住，到依家除非假日否則都完全唔使等喇~

門口有蛋黃哥公仔牌^^ 

話說之前熊本熊餐廳時，門口係一個好大嘅熊本熊立體公仔，依家蛋黃哥得個牌，有啲縮皮嘅感覺

 坐低睇餐牌，選擇唔夠之前熊本熊咁多同咁精美，主打都係蛋包飯之類

鋪枱嘅紙幾得意搶眼

牆上仲有蛋黃哥嘅公仔~~

中間啲雞蛋形凳，都算有心思^^

全店基乎冇人，尤如包場一樣，好開心哈哈

亦因為冇人所以影相唔怕有人阻住

影吓張蛋蛋凳先

好啦，嘢食到喇，先嚟係跟餐嘅綠茶，原本加錢可以有芒果特飲，但因凍冰冰都係要杯熱茶算喇~

 

先嚟個蛋黃哥沙律，海鮮或煙肉沙律揀，要咗前者，份量都算大，魷魚圈唔錯^^

開頭以為因凍蛋所以蛋黃哥個樣嗰塊透明膜冇溶到…

點知嚟到熱嘅蛋都係冇溶到（定係其實唔會溶㗎呢？我之前網上睇過會溶咗得番啲黑色樣嘅~）

anyway,呢個係友人嗌嘅咖哩吉列豬扒蛋包飯，友人話：「份量足，味道一般，豬扒都算香脆」

小畫家就嗌咗呢個（明顯唔記得名），總之又係有蛋包飯、漢堡肉、炸蝦同炸魚，味道ok嘅，同埋其實份量都幾大，搞到我到好飽 XD

明顯因太多人拎啲蛋黃哥嚟影相，所以佢哋好烏糟

收到出版社傳嚟嘅相片，「猴呢」利是封已經準備好，今個星期日頭100位排隊嘅讀者可得利是封一包（一包有十個）^^
除咗新書外，你有其他小畫家嘅書都可以拎埋嚟簽嘅，到時見啦^^

------------------------------------------------------
梁進《結婚要去夏威夷》簽名會
日期：1月31日（今個星期日）時間：3:00-4:30pm
地點：{prologue} 書店 - 旺角新世紀廣場4樓445-446號
** 攜帶或即場購買《結婚要去夏威夷》一書即可排隊簽名，頭100名參加者可獲贈阿呢新春利是封，送完即止。