【小畫家食評~殿大喜屋】

之前FB都講過話上兩日咗傳說中嘅殿大喜屋，依家開咗blog就寫個詳細啲嘅食評啦^^

其實之前已經同友人已經想嚟試吓，點知上到去先得full咗，今次醒目訂定位，但原來訂咗位未夠鐘都要喺樓下等嘅，到夠鐘就會全部人上樓梯入去，好似戲院入場咁，感覺好唔香港

一入座當然勁剔紙仔叫嘢食啦，難得囗佢啲嘢嚟得好快，好快就擺到成耛都係，不過亦因為張枱唔大，成日要因擺嘢食而要搬碟，啲麻煩~

每枱因應人數會送一盤魚生，魚生都幾新鮮，讚的

嘢飲種類同依家市面啲放題差唔多，另外多一啲清酒咁^^

除咗魚生，鍾意食蟹嘅友人話啲蟹腳都幾得，而小畫家就幾鍾意燒牛舌（左上嗰串），厚切燒好開心

雖然食日本嘢都係魚生壽司較多，但我反而幾ok佢啲燒物，燒帶子大大粒唔錯^^

講開帶子，朋友試咗個燒扇貝（左上），話中咗伏~~ XD

成晚亮點對小畫家嚟講係以下嘅鮑魚，唔大唔細口感幾好（當然大啲會更好~），我最後食咗六隻，好滿足^^

之前動新聞都有介紹呢間嘢，話重點之一係佢嘅和牛燒，不過我同友人都覺得佢嘅和牛一般，唔值得追加~

另一樣動新聞推介嘅和牛飯，又係ok啦（講真呢個時候梗係留肚，點會成碗飯吖~）

 朋友嗌嘅唔記得係咩，佢一食話中伏所以我哋都冇試喇~~

雖然蟹唔算小畫家嘅朋友，不過呢個咖哩蟹味道唔錯^^

總結：如以日式放題嚟講，殿大喜屋啲用料係比較靚嘅，不過以四百蚊嘅價錢嚟講就好似唔算好值，除非你係大仔又或者同朋友嚟試吓嘅話，咁就一試無妨^^

----------------------------------------------------------------------------------------

梁進《結婚要去夏威夷》簽名會

日期：31/1（星期日）時間：3:00-4:30pm
地點：{prologue} 書店 - 旺角新世紀廣場4樓445-446號
** 攜帶或即場購買《結婚要去夏威夷》一書即可排隊簽名，頭100名參加者可獲贈阿呢新春利是封，送完即止。