皇家太平洋酒店~栢景餐廳Buffet

上兩日post過張阿呢食好多雪糕，好多讀者都問係咪食緊甜品buffet，實情嗰晚去咗皇家太平洋酒店裡面嘅栢景餐廳食自助餐

之前有次聖誕嚟過慶祝生日，對呢間餐廳嘅環境同食物都有信心^^

先嚟食少少頭盤，醒一醒自己嘅味蕾，蜜瓜加Parma Ham再加芝士真係冇得輸，再少少青口感覺好refresh^^

好啦~開動喇，先嚟龍蝦一大隻，聽講龍蝦要weekend先有，好好運

再喺海鮮冷盤，阿寶鍾意嘅長腳蟹、小畫家鍾意嘅螺同大蝦，每樣都好新鮮^^

另一亮點係呢個香煎鴨肝伴黑松露薯蓉，好名貴

鴨肝味道超濃，入口充滿鴨肝味^^

之後就係熟食時間，烤青口超好味，烤雞翼係現場廚師即燒嘅，另外芝麻蝦、牛柳粒同羊架都好正!!

小畫家每次食自助餐都必食羊架，呢度嘅羊架整得唔錯，水準^^

不得不提呢個響螺煲竹絲雞湯，現場見勁多人拎，小畫家都忍唔住飲咗兩宗湯

自助餐本身包一杯餐茶，而加$38蚊可任飲橙汁、汽水、啤酒、紅酒同白酒，其實飲兩杯橙汁已回本，加多杯白酒值頭抵添

食吓有廚師抬咗一大鍋意大利海鮮飯出嚟^^

話明海鮮飯上面當然有勁多海鮮，快啲排隊拎先

海鮮飯辣辣地幾醒胃，而每客都有大大青口同魷魚，超好味

燒牛扒亦好好味，.我咗兩客^^

不得不提呢度環境幾舒適，係小畫家鍾意嘅原因

過咗一陣有廚師拎咗個特大梳乎厘出嚟，當然要起身排隊啦

到好飽喇，但都要去食佢嘅雪糕，因呢個自助餐正做緊Movenpick嘅雪糕做主打^^

一次過可以試晒12款Movenpick雪糕，勁

話晒甜品會走去甜品胃，點都要試晒佢^^

雪糕可以配雞蛋仔同窩夫，兩樣都拎嚟試吓

就連擺上雪糕嘅toppings都有好多選擇

你睇阿呢幾開心~哈哈